استفسار ضرورى لو سمحتم

[roah]

انا سمعت ان بره فيه فلاشة نت بتتركب عالجهاز وتتشحن كل شهر
هل دى موجودة فى مصر؟ وهل ينفع تتركب على الكمبيوتر الشخصى ولا اللاب توب بس؟
لو موجودة هتريحنى فعلا.
أرجو الافادة وجزاكم الله كل خير.

[شريف النحلة]

انا سمعت ان بره فيه فلاشة نت بتتركب عالجهاز وتتشحن كل شهر
هل دى موجودة فى مصر؟ وهل ينفع تتركب على الكمبيوتر الشخصى ولا اللاب توب بس؟
لو موجودة هتريحنى فعلا.
أرجو الافادة وجزاكم الله كل خير.

سلام عليكم
ايوه موجوده في مصر وبتتركب علي اي جهاز سواء لاب ولا جهاز شخصي
وموجوده في شركات الاتصالات الموجوده(فودافون-موبينيل-اتصالات)
وكل شركه فيهم منزلة عروض بخصوص موديم النت ممكن حضرتك تختاري اللي مناسبك
ولو عايزه معلومات اكتر ادخلي علي مواقع الشركات او زوري الفروع في المنصورة

[دموع على وجه القمر]

يوه موجوده في مصر وبتتركب علي اي جهاز سواء لاب ولا جهاز شخصي
وموجوده في شركات الاتصالات الموجوده(فودافون-موبينيل-اتصالات)
وكل شركه فيهم منزلة عروض بخصوص موديم النت ممكن حضرتك تختاري اللي مناسبك
ولو عايزه معلومات اكتر ادخلي علي مواقع الشركات او زوري الفروع في المنصورة

فعلا و انا عن تجربة شخصية مجربة usb اتصالات
عرض الـ٥٠ لل "USB" وبخصم ٥٠٪ على الـ USB مودم ،فقط بـ ٥٠ جنيه إستمتع شهرياً ولمدة ٣ شهور

٥٠ميجابايت مجاناً
٥٠ رسالة مجاناً من إتصالات لإتصالات
و ده عرض الطلبة للثانوية العامة و الجامعات

و لكن
ده بينفع بس لو للاستخدام الخارجى اى خارج المنزل ف مكان قد تحتاج للنت فيه لكن للاستخدام الشخصى و المنزلى لا اعتقد انه هيصلح لانه تكلفته هتبقى جامدة انا بتكلم لو 24 ساعة زى حالاتى بس من ناحية الشبكة و كده تمام اوى و خصوصا لو انت ف مكان بيدعم الشبكة التابع ليها يعنى الشبكة فيه مش ضعيفة


http://etisalat.com.eg/portal/page?_pag ... motions_ar

http://etisalat.com.eg/portal/page?_pag ... b_modem_ar

[eimo]

بصراحة بالنسبة ليا ده مش ينفع خالص ده الشبكة عندنا م حلوة خالص الثلاثة
ومحدودة ده أنا بحب احمل كتييييييييييير

[roah]

أناكنت عاوزاها للاستخدام المنزلى مش بره البيت
وأنا سألت النهاردة فى شركةا تصالات قالولى دى بحوالى 95ج وتتشحن على حسب استهلاكى
بجد شكرا ياجماعة على تعاونكم معى وردودكم المتميزة جعله الله فى ميزان حسناتكم

[دموع على وجه القمر]

أنا سألت النهاردة فى شركةا تصالات قالولى دى بحوالى 95ج وتتشحن على حسب استهلاكى

فعلا و لو للدقة 99 جنيه و منها فودافون و موبينيل بس ف عرض طلبة الثانوية العامة و الجامعات و دى ب 50 بس و فى اتصالات بس و بتاخدها بكارنيه الجامعة او رقم الجلوس

[roah]

اه بس حضرتك مش ده لخارج المنزل ولاهوه هواه اللى انا بقول عليه بس عليه تخفيض للطلبه

[Rinal]

بسم الله الرحمن الرحيم
هو فيه نوعين من فلاشه النت .واحده اشتراك شهرى والتانيه حسب الاستهلاك زى ما حضرتك والزملاء قالوا
انا معايا اللى هى حسب الاستهلاك من فودافون ب 99 ج
بالنسبه للشبكه كويسه الحمد لله.بس الفلاشه بصراحه بتحتاج منى شحن كتير (يعنى تستهلك مبلغ اكبر)
مش تقدرى تعتمدى عليها فى تنزيل حاجات من عالنت والطبيعى انك هتحتاجى تنزلى حاجات وتقعدى فترات اطول ع النت
تتابعى المنتدى.................
نصيحه حاولى توصلى نت افضل من استخدام الفلاشه
.انا بستخدمها بس لما النت يفصل عندى.
والسلام عليكم ورحمة الله تعالى وبركاته

[Rinal]

بسم الله الرحمن الرحيم

اه بس حضرتك مش ده لخارج المنزل ولاهوه هواه اللى انا بقول عليه بس عليه تخفيض للطلبه

هى الفلاشه ذى ما الزملاء قالوا تقدرى تستخدميها خارج او داخل المنزل
بس ف الاساس الغرض من استخدامها بيكون خارج المنزل يعنى اى مكان تروحى تكون معاكى وتقدرى بسهوله تدخلى ع النت
والسلام عليكم ورحمة الله تعالى وبركاته